Textus
|
PRIVILEGIUM LUCII PAPÆ III. ad Theobaldum Abb. Clun. per quod statuit quod nullus ordo seu Religio alia ponatur in Parochiis juris Cluniacensium. |
XLIX. Ad Theobaldum abb. Clun. — Statuit quod nullus ordo seu
religio alia ponatur in parochiis juris Cluniacensium. |
|
LUCIUS Episcopus servus servorum Dei, dilecto filio
Theobaldo Abbati Clun. ejusque successoribus regulariter substituendis
in perpetuum. Injuncti nobis à Deo Apostolatus officium, &
Ecclesiasticæ utilitatis consideratio nos hortamur & admonet illas
Ecclesias, quas in sanctæ Religionis observantia ferventiores esse
videmus, & eas honestate & Religione pollere cognoscimus ampliori
caritate diligere, majoremque illis honorem jugiter & gratiam
exhibere. Eapropter, dilecte in Domino fili Theobalde, Ecclesiam tuam
vestigiis Antecessorum nostrorum inhærendo sincerè & tenerè, utpote
specialem ac per omnia devotam filiam Apostolicæ Sedis diligentes,
dignum duximus tuis petitionibus assensum præbere. Concedimus ergo
tibi, tuisque successoribus in perpetuum ut in Parochiis ad jus tuum
pertinentibus nullus futuris temporibus ordo, seu Religio, nisi
Cluniacensis ponatur. Ea videlicet ratione, ne bona, vel jura
benignitate Romanorum Pontificum Ecclesiæ tuæ collata, obtentu
cujuslibet novæ vel supervenientis Religionis imminuantur, aut
auferantur. Statuimus nihilominus, ut infra terminos Parochiarum
tuarum nullus Cimiterium absque assensu tuo construere præsumat, salva
sedis Apostolicæ auctoritate. Nulli ergo omninò hominum fas sit hujus
nostri Decreti sententiam infringere, seu ausu temerario perturbare.
Si qua sanè in posterum Ecclesiastica sæcularisve persona hanc nostræ
constitutionis paginam sciens, contra eam temerè venire tentaverit,
secundò, tertióve commonita, nisi præsumptionem suam congrua
satisfactione correxerit, potestatis honorisque sui dignitate careat,
reamque se divino judicio de perpetrata iniquitate cognoscat; & à
sacratissimo corpore & sanguine Dei & Domini Redemptoris nostri Iesu
Christi aliena fiat, atque in extremo examine districtæ ultioni
subjaceat. Cunctis autem eidem loco sua jura servantibus sit pax
Domini nostri Iesu Christi, quatinus & hic fructum bonæ operationis
percipiant, & apud districtum judicem præmia æternæ pacis inveniant.
Amen. Amen. Amen.
Ego Lucius Catholicæ Ecclesiæ Episcopus. Ego Petrus Tusculanus Episcopus. Ego Rainerius Diac. Card. S. Georgii ad velum aureum. Ego Vivianus Presbyter Card. tituli S. Stephani in Celio monte. Ego Cinthius Presb. Card. tit. sanctæ Ceciliæ. Ego Gratianus SS. Cosmæ & Damiani Diac. Card. Ego Laborans Presbyter Card. S. Mariæ trans Tiberim Calixti. Datum Velletrii per manum Alberti S. R. E. Presbyteri Card. & Cancellarii, III. Idus Aprilis, Indict. XV. Incarnat. Dominicæ anno M. C. LXXXII. Pontificatus autem Domni Lucii Papæ III. anno primo. |
Lucius episcopus,
servus servorum Dei, dilecto filio Theobaldo abbati Clun. ejusque
successoribus regulariter substituendis in perpetuum. Injuncti nobis a Deo apostolatus officium et ecclesiasticæ utilitatis consideratio nos hortantur et admonent illas Ecclesias, quas in sanctæ religionis observantia ferventiores esse videmus, et eas honestate et religione pollere cognoscimus, ampliori charitate diligere, majoremque illis honorem jugiter [ 1132B ] et gratiam exhibere. Eapropter, dilecte in Domino fili Theobalde, Ecclesiam tuam, vestigiis antecessorum nostrorum inhærendo, sincere et tenere, utpote specialem ac per omnia devotam filiam apostolicæ sedis diligentes, dignum duximus tuis petitionibus assensum præbere. Concedimus ergo tibi tuisque successoribus in perpetuum ut in parochiis ad jus tuum pertinentibus nullus futuris temporibus ordo, seu religio, nisi Cluniacensis ponatur; ea videlicet ratione, ne bona vel jura benignitate Romanorum pontificum Ecclesiæ tuæ collata, obtentu cujuslibet novæ vel supervenientis religionis imminuantur aut auferantur. Statuimus nihilominus ut infra terminos parochiarum tuarum nullus cœmeterium absque assensu tuo construere præsumat, [ 1132C ] salva sedis apostolicæ auctoritate. Nulli ergo omnino hominum fas sit hujus nostri decreti sententiam infringere, seu ausu temerario perturbare. Si qua sane inposterum ecclesiastica sæcularisve persona, hanc nostræ constitutionis paginam sciens, contra eam temere venire tentaverit, secundo tertiove commonita, nisi præsumptionem suam congrua satisfactione correxerit, potestatis honorisque sui dignitate careat, reamque se divino judicio de perpetrata iniquitate cognoscat, et a sacratissimo corpore et sanguine Dei et Domini Redemptoris nostri Jesu Christi aliena fiat, atque in extremo examine districtæ ultioni subjaceat. Cunctis autem eidem loco sua jura servantibus sit pax Domini nostri Jesu Christi, quatenus et hic fructum bonæ [ 1132D ] operationis percipiant, et apud districtum Judicem præmia æternæ pacis inveniant. Amen, amen, amen! Ego Lucius catholicæ Ecclesiæ episcopus. Ego Petrus Tusculan. episcopus. Ego Rainerius diac. card. S. Georgii ad Velum Aureum. Ego Vivianus presbyter card. tituli S. Stephani in Cœlio Monte. Ego Cynthius presb. card. tit. Sanctæ Ceciliæ. Ego Gratianus SS. Cosmæ et Damiani diac. card. Ego Laborans presb. c. S. Mariæ trans Tiberim. Datum Velletri, per manum Alberti S. R. E. presbyteri card. et cancellarii, III Idus Aprilis, indict. [ 1133A ] XV, Incarnat. Dominicæ anno 1182, pontificatus autem domini Lucii papæ III anno primo |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
