Textus
|
PRIVILEGIUM EUGENII PAPÆ III. ad Priorem sancti Marcelli de Salseto, cui confirmat donationem Ecclesiæ de Savatia. |
LXXXI. Ad H. priorem et fratres S. Marcelli de Salseto. - Confirmat
eis donum ecclesiæ de Savatia factum ab Eustachio Valentinensi
episcopo, antequam inobediens esset Romanæ Ecclesiæ. |
|
EUGENIUS Episcopus,
servus servorum Dei, dilectis filiis H. Priori sancti Marcelli,
ejusque fratribus, salutem & Apostolicam benedictionem. Apostolicæ
Sedis auctoritate compellimur justis Religiosorum precibus clementer
annuere, & suam eis justitiam conservare. Ideóque vestris justis
postulationibus gratum impertientes assensum, Ecclesiam de Savatia cum
appendiciis suis, quemadmodum à venerabili fratre nostro C.
Valentinensi Episcopo, antequam Romanæ Ecclesiæ inobediens existeret,
cum consensu totius Capituli sui vobis rationabiliter concessa est, &
scripto suo firmata, vobis nihilominus auctoritate Apostolica
confirmamus. Si quis autem hujus nostræ concessionis paginam sciens,
contra eam venire tentaverit, secundò tertióve commonitus, nisi
peccatum suum congrua satisfactione correxerit, indignationem
omnipotentis Dei, & beatorum Petri & Pauli Apostolorum ejus
incurrat, atque in extremo examine districtæ ultioni subjaceat. Datum trans Tiberim XV. Kal. Martii. |
EUGENIUS episcopus, servus servorum Dei, dilectis filiis H. priori
S. Marcelli, eiusque fratribus, salutem et apostolicam
benedictionem.
Apostolicæ sedis auctoritate compellimur iustis religiosorum precibus clementer annuere, et suam eis iustitiam conservare. Ideoque, iustis vestris postulationibus [1106D] gratum impertientes assensum ecclesiam de Salvatia cum appendiciis suis, quemadmodum a venerabili fratre nostro C. Valentinensi episcopo, antequam Romanæ Ecclesiæ inobediens existeret, cum consensu totius capituli sui vobis rationabiliter concessa est et scripto suo firmata, vobis nihilominus auctoritate apostolica confirmamus. Si quis autem huius nostræ concessionis paginam sciens, [1107A] contra eam ire tentaverit, sciat se omnipotentis Dei et beatorum Petri et Pauli apostolorum eius iram incursurum. Datum Transtiberim, XV Kal. Martii. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
