Textus
|
EPISTOLA LUCII PAPÆ II. ad Petrum Venerabilem Abbatem & Monachos Cluniacenses super adventu & collocatione fratrum in Monasterio sanct. Sabæ de urbe. |
XCII. Ad Petrum Cluniacensem abbatem. — Missos ad se Cluniacenses
monachos in ecclesia Sancti Sabbæ locatos significat. |
|
LUCIUS Episcopus servus servorum Dei, dilectis
filiis Petro Abbati & Monachis Cluniacensibus, salutem & Apostolicam
benedictionem. Fratres vestros debita benignitate suscepimus, eosque
apud sanctum Sabam honestè locavimus. Maxima verò urbis perturbatione
præpediti, quam per dilectos filios nostros Joannem Camerarium, alios
fratres vestros plenius intelligere poteritis, Abbatem ibi ordinare
nequivimus: locum tamen ipsum cum omnibus pertinentiis suis per
privilegium nostrum vobis concessimus & confirmavimus. Quam citius
autem per Dei gratiam ab his expediti magistro Mario, qui hactenus
eidem loco præfuerat, quem pro ipsorum novitate provisorem eis per
aliquantulum temporis dimisimus, providere curabimus, & illum, qui à
fratribus vestris nobis designatus est, ibidem ad honorem Domini, &
sanctæ Romanæ Ecclesiæ, & Cluniacensis Monasterij, Domino auxiliante,
in Abbatem ordinare curabimus. Rogamus autem ut pro nobis & universo
statu sanctæ Dei Ecclesiæ speciales orationes ad Dominum faciatis, &
per Religiosos congregationis vestri ordinis fieri studeatis. Datum Romæ XIII. Kalendas Februarii. |
LUCIUS episcopus, servus servorum Dei, dilectis filiis PETRO abbati
et monachis Cluniacensibus salutem et apostolicam benedictionem.
Fratres vestros debita benignitate suscepimus, eosque apud Sanctum Sabam honeste locavimus. Maxima vero urbis perturbatione præpediti, quam per dilectos filios nostros Joannem camerarium et alios fratres vestros plenius intelligere poteritis, abbatem ibi ordinare nequivimus; locum tamen ipsum cum omnibus pertinentiis suis per privilegium nostrum vobis concessimus et confirmavimus. Quam citius autem per Dei gratiam ab his expediti, magistro Mario qui hactenus eidem loco præfuerat, quem pro ipsorum novitate provisorem eis per aliquantulum temporis dimisimus, providere [ 932D ] curabimus, et illum qui a fratribus vestris nobis designatus est, ibidem ad honorem Dei et sanctæ Romanæ Ecclesiæ et Cluniacensis monasterii, Domino auxiliante, in abbatem ordinare curabimus. Rogamus autem ut pro nobis et universo statu sanctæ Dei Ecclesiæ speciales orationes ad Dominum faciatis et per religiosos congregationis vestri ordinis fieri studeatis. Datum Romæ, XIII Kal. Februarii. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
