Textus
|
PRIVILEGIUM PASCHALIS PAPÆ II. ad Domnum Pontium Clun. Abb. de Obedientiis ad Cluniacum pertinentibus. |
Paschalis II. Papæ Diploma, ad domnum Pontium Clun. Abb. De
Obedientiis ad Cluniacum pertinentibus.
|
CCLXXXIII. Ad Pontium Cluniacensem
abbatem. — Privilegia Cluniacensis monasterii confirmat. |
| PASCHALIS Episcopus servus servorum Dei dilecto filio Pontio Monasterij Cluniacensis Abbati, ejusque successoribus regulariter substituendis in perpetuum. Et Religio Cluniacensis Cœnobii, cui Deo auctore præsides, & prædecessoris tui sanctæ memoriæ Hugonis Abbatis dulcissima reverendaque dilectio cogunt nos, fili in Christo charissime Ponti Abbas, tuis petitionibus indulgere. Eapropter Abbatias, vel Prioratus, qui sub prænotati Abbatis Hugonis dispositione manserunt, sub tua quoque, vel successorum tuorum dispositione permanere decernimus. Id est Moisiacum, Figiacum, Abbatiam S. Martialis Lemovicensis, Angeriacum, novum Monasterium Pictavense, Abbatiam S. Ægidii, Abbatiam Mauziaci, Abbatiam Vizeliaci, Abbatiam sancti Germani Antissiodorensis, Abbatiam S. Bertini, Abbatiam S. Vulmari, Abbatiam Unicurti, Abbatiam S. Benedicti super Padum. Prioratus Nantoaci, Gigniaci, S. Marcelli Cabilonensis, Crispejaci, Vergiaci, Paredum, Carum-locum, S. Marcelli de Salzeto, S. Salvatoris Niverni, S. Stephani ibidem, Nazaram, Charrionem, sanctum Isidorum, S. Saturninum, Salsinanias, Silviniacum, sanctam Mariam de Caritate Luperciacum, sanctum Reverianum, sanctum Martinum de Campis, Longumpontem, Conciacum, Nogentum, Leontium, Gayas, Trualdum, Ganagobium, Rozanum, sanctum Pancratium de Lewis, Montem-Acutum in Anglia, Tetfordium, sanctum Albanum de Basilea, Romanum Monasterium, Paterniacum, sanctum Victorem in Geneva, Voltam, sanctum Florum, Alairacum, Moiracum, S. Licerium, S. Orientium, Sanctum-Montem, Carennacum sanctam fidem de Morlanis, S. Eutropium, S. Mariam de Castello, S. Majolum de Papia, S. Gabrielem de Cremona, S. Paulum de Bergamo, S. Jacobum de Pontida, Bertemala, Rodobium, Castelletum, S. Gregorium de Placentia, Abbevillam, Asserentum, Alavardum, Domena, Visilia, Cabolium, Magobrium, Frodovillam Cellam in Alamannia, Roquespertum-Villaris, S. Mariam de Valle, Marciniacum, Ambertam, Rivis, Chaberos, S. Nazarium Borbonensem, Boortzium, Salas, Saltum. In locis autem, quæ sine proprio Abbate diebus Domni ac venerabilis Hugonis Abbatis fuisse videntur, numquam aliquis Abbatem ordinare præsumat. Illud etiam libertatis Cluniacensi Cœnobio firmum haberi sancimus, ut vestri Monasterij Monachi, qui ad sacros sunt ordines promovendi, à quibus malueritis Catholicis Episcopis promoveantur. Chrisma verò, si opportunitas, exegerit, in vestro faciatis Monasterio consecrari, vel à quibus volueritis Episcopis accipiatis. Si qua igitur in futurum Ecclesiastica, sæcularisve persona hanc nostræ Constitutionis paginam sciens contra eam temerè venire tentaverit, secundò, tertióve commonita, si non satisfactione congrua emendaverit, potestatis honorisque sui dignitate careat, reamque se divino judicio existere de perpetrata iniquitate cognoscat, & à sacratissimo corpore & sanguine Dei & Domini Redemptoris nostri Jesu Christi aliena fiat, atque in extremo examine districtæ ultioni subjaceat. Qui verò divini timoris intuitu custos & observator extiterit, sit super eum pax Domini nostri Jesu Christi, quatinus & hic fructum bonæ actionis percipiat, & apud districtum judicem præmia æternæ pacis inveniat. Amen. Ego Paschalis Catholicæ Ecclesiæ Episcopus. Datum apud Castellium per manum Joannis S.R.E. Diaconi Cardinalis ac Bibliothecarii, XVII. Kalendas Novembris. Indict. III. Incarnationis Dominicæ anno M. C. IX. Pontificatus autem Domni Paschalis secundi. XI. |
Paschalis Episcopus seruus seruorum Dei, dilecto filio Pontio
Monasterij Cluniacensis Abbati, eiusque successoribus regulariter substituendis in
perpetuum. Et religio Cluniacensis Cnobij, cui Deo auctore præsides, &
prædecessoris tui sanctæ memoriæ Hvgonis Abbatis dulcissima, reuerendaque
dilectio, cogunt nos, fili in Christo charissime Ponti Abbas, tuis petitionibus
indulgere. Eapropter Abbatias, vel Prioratus, qui sub prænotati Abbatis Hugonis
dispositione manserunt, sub tua quoque, vel successorum tuorum dispositione
permanere decernimus. Id est, Moisiacum, Figiacum, Abbatiam sancti Martialis
Lemouicensis, Angiriacum, Nouum Monasterium Pictauense, Abbatiam S. Egidij, Abbatiam
Mauziaci, Abbatiam Verziliaci, Abbatiam sancti Germani Antissiodorensis, Abbatiam
sancti Bertini, Abbatiam sancti Wolmerij, Abbatiam Vnicurti, Abbatiam sancti
Benedicti super Padum. Prioratum Nantoaci, Gigniaci, sancti Marcelli Cabilonensis,
Crispeiaci, Verciaci, Paredum, Carum locum, sancti Marcelli de Salzic, sancti
Saluatoris Niuern., sancti Stephani ibidem, Nazaram, Scarrionis, sanctū
Isidorum, sanctū Saturninum, Salsinanias, Siluiniacum, S. Mariam de Charitate,
Luperciacum, S. Reuerianum, sanctum Martinum de Campis, Longumpontem, Consiacum,
Nogentum, Leontium, Gagias, Trualdium, Cariagobium, Rozanum, sanctum Pancratium de
Lanis, Montem-acutum in Anglia, Etifrodium, S. Albanum de Bansilegia, Romanum
Monasterium, Paterniacum, S. Victorem in Geneua, Voltam, S. Florum, Alariacum,
Morracum, S. Licerium, S. Orientium, Setmontem, Carenniacum, S. Fidem de Morlanis,
S. Eutropium, S. Mariam de Castello, S. Maiolum de Papia, S. Gabrielem de Cremona,
S. Paulum de Pergamo, S. Iacobum de Pontiuo, Bertemala, Rodobium, Castellet, S.
Gregorium de Placentia, Abeuillam, Atcerens, Alauart, Domna, Vazilia, Cabiol,
Magobrium, Fodrouillam, Cellam in Alamannia, Roquespertum Villaris, S. Mariam de
Valle, [ 570 ] Marciniacum, Ambertam, Riuis, Chaberors, S. Nazarium, Borbonensem,
Boorzium, Esalas, Saltum. In locis autem, quæ sine proprio Abbate, diebus domni ac
venerabilis Hugonis Abbatis fuisse videntur, numquam aliquis Abbatem ordinare
præsumat. Illud etiam libertatis Cluniacensi Cnobio firmum haberi sancimus, vt
vestri Monasterij Monachi, qui ad sacros sunt Ordines promouendi, a quibus
malueritis Catholicis Episcopis promoueantur. Chrisma vero, si opportunitas
exegerit, in vestro faciatis Monasterio consecrari, vel a quibus volueritis
Episcopis accipietis. Si qua igitur in futurum Ecclesiastica, secularisue persona,
hanc nostræ constitutionis paginam sciens, contra eam temere venire tentauerit,
secundo, tertioue commonita, si non satisfactione congrua emendauerit, potestatis,
honorisque sui dignitate careat, reamque se diuino iudicio existere de perpetrata
iniquitate cognoscat, & a sacratissimo corpore & sanguine Dei & Domini
Redemptoris nostri Iesu Christi aliena fiat, atque in extremo examine districtæ
vltioni subiaceat. Qui vero diuini timoris intuitu custos & obseruator
extiterit, sit super eum pax Domini nostri Iesu Christi, quatinus & hic fructum
bonæ actionis percipiat, & apud districtum Iudicem præmia æternæ pacis inueniat,
Amen.
Ego Paschalis Catholicæ Ecclesiæ Episcopus S. (Monogramme) [Rota - Bene valete] Datum apud Castellium per manum Ioannis S. R. E. Diaconi Cardinalis, ac Bibliothecarij, XVII. Kal. Nouemb. Indict. III. Incarnat. Dominicæ anno MCIX. Pontificatus autem domni Paschalis secundi XI. |
PASCHALIS episcopus, servus
servorum Dei, dilecto filio PONTIO monasterii Cluniacensis abbati,
ejusque successoribus regulariter substituendis in perpetuum. Et religio Cluniacensis cœnobii, cui Deo auctore præsides, et prædecessoris tui sanctæ memoriæ Hugonis abbatis dulcissima reverendaque dilectio, cogunt nos,. fili in Christo charissime Ponti abbas, tuis petitionibus indulgere. Eapropter abbatias vel prioratus qui sub prænotati abbatis Hugonis dispositione manserunt, sub tua quoque vel successorum tuorum dispositione permanere decernimus. (Enumerantur. Tum pergit:) In locis autem quæ sine proprio abbate, diebus domni ac venerabilis Hugonis abbatis fuisse videntur, nunquam aliquis abbatem ordinare præsumat. Illud etiam libertatis Cluniacensi cœnobio firmum haberi sancimus, ut vestri monasterii monachi qui ad sacros sunt ordines promovendi, a quibus malueritis catholicis episcopis promoveantur. Chrisma vero, si opportunitas exegerit, in vestro faciatis monasterio consecrari, vel a quibus volueritis episcopis. Si qua igitur in futurum ecclesiastica sæcularisve persona hanc nostræ constitutionis paginam sciens, etc., ut in aliis nonnullis epistolis. Ego Paschalis, catholicæ Ecclesiæ episcopus, subscripsi. Datum apud Castellium per manum Joannis sanctæ Romanæ Ecclesiæ diaconi cardinalis ac bibliothecarii, XIII Kal. Novemb., indict. III, Incarnationis Dominicæ anno 1109, pontificatus autem domni Paschalis II XI. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
