Textus
|
PRIVILEG. PASCHALIS PAPÆ II. quo Monasterium Silviniacense tanquam Clun. Cœnobii membrum sub Apostolicæ Sedis protectione suscipit, eo modo, quo Urbanus Papa secundus. |
XXX. Privilegium quo monasterium Silviniacense
[ 050A ]
tanquam Cluniacensis
cœnobii membrum sub apostolicæ sedis protectione suscipit, eo modo
quo Urbanus papa secundus. |
|
PASCHALIS Episcopus servus servorum
Dei filiis in Domino carissimis Silviniacensis Cœnobii Monachis,
salutem & Apostolicam benedictionem. Ad hoc nos disponente Domino in
Apostolicæ Sedis servitium promotos agnoscimus, ut ejus filiis
auxilium implorantibus efficaciter subvenire, & ei obedientes tueri
ac protegere, prout Dominus dederit, debeamus. Idcircò vos, & locum
vestrum tanquam Clun. Cœnobii membrum sub Apostolicæ sedis protectione
perpetuo confovendum, juxta Domni Prædecessoris nostri Urbani secundi
statuta suscipimus; Sancientes ne ullo umquam tempore idem Cœnobii
vestri locus interdictionis alicujus jacturam sentiat, nec ulli
viventium facultas sit infra Monasterij seu villæ adjacentis terminos
olim præfinitos assultum facere, aut quemlibet hominem capere, vel
deprædari. Illam etiam pactionem, quam in ejusdem prædecessoris nostri
manu Archimbaldus
[ 31/2 ]
miles, sicut in ejus privilegio continetur, pepigit,
ratam perpetuo haberi censemus: ut videlicet universa, quæ pater, aut
avi ejus loco vestro contulerant tam in rebus, quàm in immunitatibus
& consuetudinibus omni tempore illibata conservarentur. Ad hæc
adjicientes decernimus ejusdem loci sepulturam liberam omninò
persistere, ut eorum, qui illic sepeliri deliberaverint, præter
excommunicatos, extremæ nullus obviet voluntati. Prætereà per
præsentis Decreti paginam Apostolica auctoritate statuimus ut
quæcumque hodie vestrum Cœnobium possidet, sive in crastinum vel
concessione Pontificum, vel liberalitate Principum, vel oblatione
fidelium poterit adipisci, firma vobis vestrisque successoribus &
illibata permaneant: in quibus hæc propriis duximus nominibus
exprimenda: Monasterium de Campovold, Capellam de Curtiliis, Capellam
de Lonver, Capellam de Villar, Ecclesiam de Cantaneto, Ecclesiam de
Cyriliaco. Has itaque, cæterasque Ecclesias, quas Apostolicæ Sedis
privilegio possidetis, taliter concedimus, ut salvo jure Episcoporum,
quod in paratis & synodis ibidem hactenus retinuisse noscuntur,
quicquid deinceps in eis intus forisque, tam ex oblationibus, quam ex
sepulturis, vel etiam ex decimationibus tam majoribus quàm minoribus
adquirere potueritis, ex integro possideatis; nullaque umquam persona
vel Ecclesiastica, vel sæcularis de omnibus ad eas pertinentibus se
super vos intromittere audeat. Liceat quoque vobis in Ecclesiis
vestris Presbyteros eligere, ita tamen ut ab Episcopis, vel
Episcoporum Vicariis animarum curam absque venalitate suscipiant; quam
si dare illi, quod absit, ex pravitate noluerint, tunc Presbyteri ex
Apostolicę sedis benignitate cantandi illic licentiam consequatur.
Neque cuilibet facultas sit pro vivorum sive defunctorum eleemosynis
ad salutem datis vos inquietare; sed tam virorum, quàm mulierum, tam
Clericorum, quàm Laïcorum oblationes, quæ ad vos afferuntur, in usum
servorum Dei pauperumque profuturas recipere liceat. Decernimus ergo
ut nulli omninò hominum liceat idem Cœnobium temerè perturbare, vel
ejus possessiones auferre, vel ablatas retinere, minuere, vel
temerariis vexationibus fatigare: sed omnia integra conserventur
eorum, pro quorum sustentatione ac gubernatione concessa sunt, usibus
omnimodis profutura; Salva in omnibus Abbatum Cluniacensium
obedientia. Si qua sanè in crastinum Ecclesiastica, sæcularisque
persona hujus privilegii paginam sciens contra eam temerè venire
tentaverit, secundò, tertióve commonita, si non satisfactione congrua
emendaverit, potestatis honorisque sui dignitate careat, reamque se
divino existere de perpetrata iniquitate cognoscat, & à sacratissimo
corpore ac sanguine Dei & Domini nostri Jesu Christi aliena fiat,
atque in extremo examine districtæ ultioni subjaceat. Cunctis autem
suprà fato loco justa servantibus sit pax Domini nostri Jesu Christi,
quatinus & hic fructum bonæ actionis percipiant, & apud districtum
judicem præmia æternæ pacis inveniant. Amen. Amen. Amen. Ego Paschalis sanctæ Catholicæ Ecclesiæ Episcopus. Ego Odilo Prænestinus Episcopus. Ego Joannes Tusculan. Episcopus. Ego Teuzo Cardinalis sanctorum Joannis & Pauli. Ego Albericus Dei gratia Cardinalis Tituli S. Petri ad vincula. Ego Paganus Diaconus S. Rom. Ecclesiæ de Diaconia S. Mariæ novæ. Datum Anagniæ per manum Joannis S.R. Ecclesiæ Diaconi Cardinalis XVIII. Kalendas Decembris Indict. VIII. Incarnationis Dominicæ anno M.C. Pontificatus autem Domini Paschalis secundi Papæ II. |
PASCHALIS episcopus, servus servorum Dei, filiis in Domino charissimis
Silviniacensis cœnobii monachis, salutem et apostolicam
benedictionem.
Ad hoc nos disponente Domino in apostolicæ sedis servitium promotos agnoscimus, ut eius filiis auxilium implorantibus efficaciter subvenire, et ei obedientes tueri ac protegere prout Dominus dederit, debeamus. [ 050B ] Idcirco vos et locum vestrum tanquam Cluniacensis cœnobii membrum sub apostolicæ sedis protectione perpetuo confovendum, iuxta domni prædecessoris nostri Urbani secundi statuta suscipimus; sancientes ne ullo unquam tempore idem cœnobii vestri locus interdictionis alicuius iacturam sentiat, nec ulli viventium facultas sit infra monasterii seu villæ adiacentis terminos olim præfinitos assultum facere, aut quemlibet hominem capere vel deprædari. Illam etiam pactionem, quam in eiusdem prædecessoris nostri manu Archimbaldus miles, sicut in eius privilegio continetur, pepigit, ratam perpetuo haberi censemus: ut videlicet universa, quæ pater, avi eius loco vestro contulerant, tam in rebus quam in immunitatibus et consuetudinibus, omni tempore illibata conservarentur. [ 050C ] Ad hæc adiicientes decernimus eiusdem loci sepulturam liberam omnino persistere, ut eorum qui illic sepeliri deliberaverint, præter excommunicatos, extremæ nullus obviet voluntati. Præterea per præsentis decreti paginam apostolica auctoritate statuimus ut quæcunque hodie vestrum cœnobium possidet, sive in crastinum vel concessione pontificum, vel liberalitate principum, vel oblatione fidelium poterit adipisci, firma vobis, vestrisque successoribus et illibata permaneant: in quibus hæc propriis duximus nominibus exprimenda: monasterium de Campovold; capellam de Curtiliis, capellam de Lonver, capellam de Villar, ecclesiam de Cantaneto, ecclesiam de Cyriliaco. [ 050D ] Has itaque, cæterasque ecclesias, quas apostolicæ sedis privilegio possidetis, taliter concedimus ut, salvo iure episcoporum, quod in paratis et synodis ibidem hactenus retinuisse noscuntur, quidquid deinceps in eis intus forisque, tam ex oblationibus quam ex sepulturis, vel etiam ex decimationibus tam maioribus quam minoribus acquirere potueritis, ex integro possideatis; nullaque unquam persona vel ecclesiastica, vel sæcularis de omnibus ad eas pertinentibus se super vos intromittere audeat. Liceat quoque vobis in ecclesiis vestris presbyteros eligere, ita tamen ut ab episcopis vel episcoporum vicariis animarum curam absque venalitate suscipiant; quam si dare illi, quod absit! ex pravitate noluerint, tunc presbyteri, ex apostolicæ sedis benignitate, cantandi illic licentiam consequantur. [ 051A ] Neque cuilibet facultas sit pro vobis vivorum sive defunctorum eleemosynis ad salutem datis vos inquietare, sed tam virorum quam mulierum, tam clericorum, quam laicorum oblationes, quæ ad vos afferuntur, in usum servorum Dei pauperumque profuturas recipere liceat. Decernimus ergo ut nulli omnino hominum liceat idem cœnobium temere perturbare, vel eius possessiones auferre, vel ablatas retinere, minuere, vel temerariis vexationibus fatigare; sed omnia integra conserventur eorum pro quorum sustentatione ac gubernatione concessa sunt, usibus omnimodis profutura, salva in omnibus abbatum Cluniacensium obedientia. [ 051B ] Si qua sane in crastinum ecclesiastica sæcularisve persona huius privilegii nostri paginam sciens contra eam temere venire tentaverit, secundo tertiove commonita, si non satisfactione congrua emendaverit, potestatis honorisque sui dignitate careat, reamque se divino iudicio existere de perpetrata iniquitate cognoscat, et a sacratissimo corpore ac sanguine Dei et Domini nostri Iesu Christi aliena fiat, atque in extremo examine districtæ ultioni subiaceat. Cunctis autem supra fato loco iusta servantibus sit pax Domini nostri Iesu Christi, quatenus et hic fructum bonæ actionis percipiant, et apud districtum iudicem præmia æternæ pacis inveniant. Amen, amen, amen. Ego Paschalis sanctæ Ecclesiæ catholicæ episcopus. Ego Odilo Prænestinus episcopus. Ego Ioannes Tusculanus episcopus. Ego Teuzo cardinalis sanctorum Ioannis et Pauli. [ 051C ] Ego Albericus Dei gratia cardinalis tituli S. Petri ad Vincula. Ego Paganus diaconus sanctæ Romanæ Ecclesiæ de diaconia S. Mariæ novæ. Datum Anagniæ per manum Ioannis sanctæ Romanæ Ecclesiæ diaconi cardinalis, XVIII Kalendas Decembris, indictione VIII, Incarnationis Dominicæ anno 1100; pontificatus autem domni Paschalis secundi papæ II. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
