Textus
|
PRIVILEGIUM URBANI PAPÆ II. ad S. Hugonem pro immunitate Cellarum Cluniacensium ab omni excommunicatione & interdicto, ac libertate convocandi apud Cluniacum quem voluerit antistitem ad Chrisma conficiendum & oleum benedicendum. |
CCXX. Privilegium Urbani II
papæ ad S. Hugonem pro immunitate cellarum Cluniacensium et
interdicto, ac libertate convocandi apud Cluniacum quem voluerit
antistitem ad chrisma conficiendum et oleum benedicendum. |
|
VRBANUS Episcopus servus servorum
Dei Reverendissimo Fratri Hugoni Abbati & universis Cluniacensis
Cœnobii fratribus, salutem & Apostolicam benedictionem. Quoniam
abundante iniquitate refrixit charitas multorum, oportet nos pro loci
nobis divinitus commissi regimine paucorum, id est servorum Dei
Religioni attentius providere. Per illos enim plerisque in locis servi
Dei & Monachi perturbantur, per quos potissimùm eos foveri ac protegi
expediret. Quæ nimirum culpa nonnullos nostri temporis Episcopos
respicit, qui dum terrenis inhiant, eos qui terrena videntur
despexisse perturbant. Quorum profecto molestiis per Apostolicæ sedis
dispensationem duximus obviandum: quatenus opitulante Deo à
sæcularibus tumultibus liberi, tam pro nobis, quàm & pro ipsis, &
universis Christi fidelibus exorare sollicitius valeatis. Præsenti
igitur constitutione sancimus, ne Cellarum vestrarum ubilibet
positarum fratres pro vicinarum Diœcesum interdictione, vel
excommunicatione divinorum officiorum suspensionem patiantur; sed tam
Monachi ipsi, quàm & famuli eorum, qui videlicet Monasticæ se
professioni devoverunt, clausis Ecclesiarum januis, non admissis
Diœcesanis, divinæ servitutis officia celebrent, & sepulturæ debita
peragant. Vobis prætereà, qui in ipso Cluniacensi Cœnobio commoramini,
licentiam indulgemus ut ad Chrisma conficiendum, sive oleum
benedicendum vestris vestrorumque usibus, quem malueritis Catholicum
Episcopum advocetis, qui nostra fultus auctoritate quæ postulant,
indulgeat. Si quis verò Episcopus, vel Episcoporum minister super his
molestiam vobis ingerere, & nostris constitutionibus obviam ire
præsumpserit; pro Sedis Apostolicæ contemptu, secundùm beati Gelasii
sententiam, sui erit ordinis & honoris elisor. Scriptum per manus
Lanfranci Notarii sacri Palatii.
[ 28/2 ]
Datum Laterani per manum Joannis S.R. Ecclesiæ Diaconi Cardinalis XV. Kalendas Maii, Indictione V. anno Dominicæ Incarnationis M. XC. VII. Pontificatus autem Domni Papæ Urbani secundi decimo. |
URBANUS episcopus, servus servorum Dei,
reverentissimo fratri HUGONI abbati, et universis Cluniacensis
cœnobii fratribus, salutem et apostolicam benedictionem. Quoniam abundante iniquitate refrigescit charitas multorum, oportet nos pro loci nobis divinitus commissi regimine paucorum, id est servorum Dei religioni attentius providere. Per illos enim plerisque in locis servi Dei et monachi perturbantur, per quos potissimum eos foveri ac protegi expediret. Quæ nimirum culpa nonnullos nostri temporis episcopos respicit, qui dum terrenis inhiant, eos qui terrena videntur despexisse perturbant. Quorum profecto molestiis per apostolicæ sedis dispensationem duximus obviandum; quatenus opitulante Deo a sæcularibus tumultibus liberi, tam pro nobis, quam et pro ipsis, et universis Christi fidelibus exorare sollicitius valeatis. Præsenti igitur constitutione sancimus, ne cellarum vestrarum ubilibet positarum fratres pro vicinarum diœcesum interdictione, vel excommunicatione divinorum officiorum suspensionem patiantur, sed tam monachi ipsi, quam et famuli eorum, qui videlicet monasticæ se professioni devoverunt, clausis ecclesiarum januis, non admissis diœcesanis, divinæ servitutis officia celebrent, et sepulturæ debita peragant. Vobis præterea, qui in ipso Cluniacensi cœnobio commoramini, licentiam indulgemus ut ad chrisma conficiendum, sive oleum benedicendum vestris vestrorumque usibus, quem malueritis catholicum episcopum advocetis, qui nostra fultus auctoritate quæ postulant indulgeat. Si quis vero [ 494A ] episcopus, vel episcoporum minister, super his molestiam vobis ingerere, et nostris constitutionibus obviam ire præsumpserit, pro sedis apostolicæ contemptu, secundum beati Gelasii sententiam, sui erit ordinis et honoris elisor. Scriptum per manus Lanfranci, notarii sacri palatii. Datum Laterani per manum Joannis, sanctæ Romanæ Ecclesiæ diaconi cardinalis, XV Kalendas Maii, indictione V, anno Dominicæ Incarnationis 1097, pontificatus autem domni Urbani papæ secundi anno decimo. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
