In nomine Dei. Wichardus de Bruiere tradidit Beato Petro Cluniensi, unum mansum de Percie, et quicquid ad ipsum mansum pertinet, sive agros sive lucos sive prata; servum quoque cum uxore et liberis, tam filiabus quam filiis. Post mortem quoque suam in predicta villa Percei quicquid vel modo habet vel habiturus est, sive jure hereditario sive alio modo, superiori donationi totum ascribit. Hujus traditionis testes fuerunt: Stephanus de Bruiere et Otbertus.