Ego, in Dei nomine, Pontius de Buxeria dono unum mansum et quicquid ad ipsum pertinet, campos scilicet, vineam, prata, curtilum, et est situs in pago Matisconensi, in villa Viscurt, in parrochia de Castello, Deo et sanctis apostolis Petro et Paulo, ad locum Cluniacum, ubi preest venerabilis abba Hugo, et ubi, donante Deo, monachus esse volo, pro remedio animarum patris ac matris meę aliorumque parentum meorum, ut monachi ejusdem loci in perpetuum possideant. S. Pontii sacerdotis, qui fieri et firmare rogavit. S. Girardi, fratris mei. S. Duranni.