Cunctorum conditori devote ac vigilanter bonorum servire cupientibus, ac ad supernum regnum pervenire per Christi misericordiam sperantibus christicolis omnibus, tanta devotio ac perfecta caritas inesse debet et habundare, ut bona comissa quę a Domino distribuenda Christi fidelibus, non in propriis usibus retinenda acceperunt, impendere caritative ac sollerter studeant. Scriptum quippe est: «Hilarem enim datorem diligit Deus». Idcirco ego Eldebertus presbiter, cognonscens me per carnis fragilitatem multa deliquisse, dono Deo et sanctis apostolis ejus Petro et Paulo, pro animę meę redemptione, de rebus meis quę sunt in pago Matisconensi, in agro Fusiacense, in villa Cropia, hoc est curtilum unum et vineam unam; terminatur a mane terra Sancti Clementis, a medio die et a sero via publica, a certio Sancti Clementis. Infra istas terminationes, medietatem vobis dono. Item et in alio loco, in villa Vallis ubi dicitur, mansum unum et vineam insimul tenentem; terminatur a mane rivo decurrente, a medio die terra Duranni et heredum ejus, a sero terra Sancti Petri, a certio rivo influente. Rursum etiam in villa quę vocatur Cassiniaco, unum curtilum et vineam unam; terminatur a mane et a sero, a certio terra Sancti Petri, a medio die via publica. Infra has terminationes, totum ad integrum vobis dono. S. Eldeberti, qui donum hoc fecit et scripto commendare rogavit. S. Duranni presbiteri. S. Isnardi. S. Giraldi presbiteri. S. Gauzberti. S. Alboeni. S. Andreę. S. Rainardi presbiteri. S. Anselmi. S. Rotberti.