Venit Boso ad quendam placitum ad ęcclesiam quę dicitur ad Cella, ubi fuerunt isti nobilissimi homines cum Geraldo, comite: Girinus, Garento, Arbertus, Girardus, Ugo, et multi alii quod longum enarrare [foret] clericorum, monachorum, et juravit hoc sacramentum, ita dicens, manu sua propria: «Audi, Geralde comes; ego Boso, nec meus conductus me jubente, homo nec femina ad meam artem, nec ad meum ingenium in Polliaco nec in ejus obędientia sive in apenditiis ejus comandam non requiram, prensionem nullam faciam de bove, de vaca, de porco, de agno, de vervece, de feta, de capra, de asinis, de equis, de mulis, de annona, de feno, nec de ulla causa calumpnię, me sciente, amplius. Ego nec meus conductus, homo, nec femina manum mittat; et si ego aut meus conductus, homo aut femina, aliquam comandam vel prensionem fecerit, illum cui calumpniam intulerit post XV dies postquam sciero, vel ad rationem missus fuero per te, Geralde, vel per tuos missaticos, sive per abbatem qui modo est, vel per ipsum qui inantea erit, vel per monachum qui ipsam obedientiam tenuerit, captanea emendabo, et postea ad tuam misericordiam, Geralde, veniam, sive ad abbatem vel ad monachum qui modo est vel inantea erit, et postea in hanc convenientiam stabo. Ego Boso hanc vurpitionem feci et juravi.»