Ego igitur, in Dei nomine, Ogerius dono Domino Deo et sanctis apostolis Petro et Paulo, ad locum Cluniacum, totam meam hereditatem, quę mihi a paterno vel materno jure advenit, quę sita est in pago Matisconense, in villa Besorniaco, videlicet prata, campos, vineas, terras cultas et incultas, silvas, aquas aquarumque decursus, servos et ancillas, totum ad integrum, quę mihi in ipsa villa obvenire videntur. Similiter in Solorniaco dono vineas, campos, prata, terras cultas et incultas, aquas et excursus aquarum, servo[s] et ancillas, totum ab integro quę mihi in eadem villa pertinere videntur. Hanc donationem facio pro remedio animarum patris ac matris meę, et pro salute animę meę et omnium fratrum meorum. S. Otgerii, qui fieri et firmare rogavit.