Notum sit cunctis fidelibus, tam futuris quam presentibus, quod ego Ocenda et filii mei Leotaldus, Jocerannus, Stephanus et Hunbertus werpivimus sanctis apostolis Petro et Paulo et monachis Cluniensibus omnem illam terram quę nobis jure debebatur in villa Amugniaco, in pago Matisconensi, videlicet vineas, campos, prata, cultam et incultam, exitus et reditus, et omnia quę ad ipsum mansum pertinere videntur, cum omni integritate donamus et concedimus, sive vuerpimus, pro remedio animarum nostrarum et parentum nostrorum, qui hoc donum ante nos fecerunt sancto Petro, et manibus propriis cartam hanc firmamus heredibusque nostris firmare rogamus. S. Oscendis et filiorum ejus Leotaldi, Joceranni, Stephani, Unberti, Dodę sororis eorum, qui fieri et firmare rogaverunt. S. Joceranni et fratris ejus Ansedei. S. Bernardi, et Uberti fratris ejus.